مربي الفراولة ببذور الشيا



في الوصفة دي هنعتمد في القوام على " بذور الشيا " بدل السكر .. واللي مش هيقدر يوفرها أو هيحب تماسك أكتر .. ممكن يستخدم ملعقة " نشا " .. وممكن نستخدم الاتنين الشيا والنشا ..

• المكونات :

- كيلو فراولة مغسولة ومتقطعة ..
- (من ٢لـ ٥) ملعقة كبيرة بذور الشيا وممكن نزود حسب ما نحب سمك القوام.. / أو ملعقة كبيرة نشا ( وممكن نستخدم المكونين حسب ما نحب سُمك القوام )
- من ٤ لـ ٨ ملاعق عسل نحل أو دبس تمر ..

• مكونات إضافية حسب الرغبة :

( رشة ملح - رشة قرفة - رشة فانيليا - ملعقة بنجر مبشور للون .. )

مربي الفراولة ببذور الشيا
مربي الفراولة ببذور الشيا
• الطريقة :

- هنولع على الفراولة ( نار متوسة) .. ونغطي عليها ..
- هقلبها بعد عشر دقايق وهنلاقيها بدأ تنزل ميتها ..
- هسيبها حوالي ربع ساعة كمان لغاية ما توصل لانها تستوي خالص ..
- ههرسها بهراسة البطاطس .. أو بكوباية .. أو أي طريقة.. بتكون طرية جدًا ..

*** لو هضيف النشا ..
- ( هدوبها في ٣ ملاعق ميا .. وهضيفها للمربي وهقلب بسرعة كويس )
- هفضل أقلبها مدة خمس دقايق عشان النشا تستوي ومتلزقش ..
وهضيف العسل وأقلب ..

- هطفي النار .. بس هتأكد الأول إن دي كدا التسوية اللي احنا عاوزينها ..

*** لو هضيف بذور شيا ..
- هضيف بذور الشيا والعسل وهقلب كويس .. وهغطي الحلة مدة عشر دقايق والنار مطفية عشان بذور الشيا تساعد المربى تمسك والفراولة تتشرب العسل..

- بعد عشر دقايق هدوق المربى وأشوف إذا محتاجة تحلية زيادة ولا لأ ..

وكدا بقت جاهزة ننقلها وهي سخنة في برطمان نضيف .. ونشيلها في التلاجة .. 

🍓
 
ممكن نعملها بشيا ونشا مع بعض ..


🍓- الوصفة دي حلوة أوي للأطفال .. 👧🏻👦🏻
🍓- وممكن تستخدمها كصوص أو حشو للكيك والبان كيك .. 🍧🥞

🍓- المربى بالطريقة دي طلعت جميلة أوي .. بقترح منزودش التحلية حتى لو بعسل .. عشان نحاول نعود حاسة التذوق بتاعتنا إنها ترجع تستطعم طعم الحاجة ذات نفسها وميبقاش الطاغي عليها السكر ..
وأنا بجرب الوصفة دي .. نويت أقلل العسل .. واستغربت فعلا الطعم في الأول .. لكن بعد شوية حسيت بجمال طعم الفراولة في المربى .. وحبيتها جدًا أكتر من أي مرة كلت فيها المربى قبل كدا .. 😋♥️


تابعينا على الفيسبوك من هنا : 
https://www.facebook.com/saidty1/
نشر المقال على جوجل +

About Ala Ali

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 التعليقات :

إرسال تعليق