صفاتك حسب برجك

منشن لكل صحابك وعرفيهم البرج بتاعهم ايه

ابراج البنات لكل برج شخصيه ❤

صفاتك حسب برجك

الأبراج هي عبارةٌ عن تقسيماتٍ للدائرة التي تسير فيها الشمس والكواكب الأخرى، وهي أجرامٌ سماويةٌ يمكن رؤيتها بالعين المجردة ، وهناك اثنا عشر برجاً حسب هذه التقسيمات ، والأبراج قد يكون لها أسماء بعض الحيوانات كالجدي ، والحمل ، والعقرب ، وقد تأخذ أسماء بعض الشخصيات من الأساطير القديمة ، وأوّل من عرف الأبراج هم البابليون ، وجاء من بعدهم الإغريقيون ، والرومانيّون ، ثم الأوروبيّون ، وكان هناك اختلاطٌ بين العلم المصري للنجوم والعلم البابلي في القرن الثاني من قبل الميلاد، وقد نجم عن هذا الاختلاط ارتباطاً بين تاريخ ميلاد الشخص وبين علم النجوم والكواكب، وعدد الأبراج هو اثنا عشر برجاً ، وتختلف الأبراج وتختلف صفات الأشخاص من برجٍ لآخر

برج الحمل ❤ ️

طفله كبيره و حاجات بسيطه جدآ ممكن تفرحها ..
بسيطه وذوقها حلو .. لو صاحبتك برج الحمل خديها معاكي وانتي نازله تعملي shopping .. هتفاجئك
عشريه وبتحب الناس بس بتاخد علي دماغها كتير .. وبرضه مبتتكسرش
ضحكتها مميزه و شايفه الحياه بمبي .. بمبي نص نص يعني
أكتر حاجه ممكن تعملها مشاكل ان اللي ف قلبها علي لسانها .. تحس انها بلطجيه بس كيوت شويه

.. .. ..

برج الثور ❤️

من جواها حساسه ورقيقه .. بس بتحب تبان للناس انها بـ 100 راجل
الحاجه اللي بتعوزها بتوصل ليها غصبآ عن عين اي حد
عندها شخصيه و دايمآ بتحب تكون رقم واحد ..
روحها حلوه وواثقه جدآ ف نفسها ومبتحبش تغامر .. بتمشي بمبدأ اللي نعرفه احسن من اللي منعرفوش
نصيحه لأي حد يعرفها .. متحاولش تتعامل معاها لما تكون جايبه أخرها و مضغوطه .. هتطلع كل غلبها فيها يا جدع

.. .. ..

برج الجوزاء ❤ ️

تعتبر مليون شخصيه ف كائن واحد .. وكل شخصيه عكس التانيه
لماحه وبتعرف تعبر عن اللي جواها ..
بتحب تتعامل مع الناس وعندها قدره عجيبه ف الاقناع
مبتنساش اي حاجه .. ممكن تفتكر كل حاجه حصلت ما بينكم بالتواريخ والأرقام
ممكن تحب حاجه الصبح .. وبالليل تكرهها عادي جدآ .. مجنونه بعيد عنك

.. .. ..

برج السرطان ❤ ️

princess في نفسها .. اكتر حد حساس ف الدنيا
لما مودها بيتقلب مبتحبش تكون وسط الناس .. ممكن تقفل باب اوضتها وتعيط
عندها خيال واسع و عامله لنفسها عالم خاص جدآ
بتحقق احلامها بمنطق دعونا نعمل في صمت
عندها مليون سبب ممكن تقنعك بيهم ان الحياه صعبه ومفيش امل .. ومش بعيد تشجعك ع الانتحار

.. .. ..

برج الأسد ❤ ️

بنت ترد الروح .. ضحكتها كفيله انها تغير يومك
شقيه زي القطه وبتحب الهزار واللعب والضحك .. بس لو زعلتها ممكن تخربشك
شخصيتها قويه و بتعشق التحدي .. سهل انك تتسند عليها
مجرد كلامك معاها بيديك طاقه ايجابيه وبيحسسك ان الدنيا بخير
بتعشق الامتلاك ومعندهاش ياما ارحميني .. اللي بيتجوزها بيمشي علي العجين ميلخبطوش

.. .. ..

برج العذراء ❤ ️

جذابه وتخطفك من اول نظره ..
بتعشق التفاصيل وبتاخد بالها من كل حاجه .. حتي الحاجات اللي ممكن تبان انها تافهه
شيك جدآ وبتعرف تختار لبسها واكسسوراتها .. وعارفه ايه اللي بيليق عليها
لو صاحبتك برج العذراء خدي رأيها ف كل مشاكلك وانتي مطمنه .. رأيها دايمآ بيكون مختلف
ناقده من الطراز الأول ومبيعجبهاش العجب .. ولو حاولت ترضيها هتطلع عينك

.. .. ..

برج الميزان ❤ ️

عاقله ورزينه و بتوزن الأمور قبل ما تحكم عليها ..
معظم اللي بيعرفوها بيموتوا فيها .. وكتير بيتمنوا صداقتها
بتحب تفكر بقلبها وعقلها .. ومعندهاش مانع تعتذر لو اختارت غلط
مبتحبش تزعل حد ولسانها حلو .. بتعرف تكسب اللي قدامها
اكبر مشكله بتواجهها انها متردده .. يعني علشان تختار لون المونكير ممكن تفكر 7 ساعات مثلآ

.. .. ..

برج العقرب ❤️

غامضه .. جواها خزنة اسرار محدش يعرفها غيرها
معندهاش بين البينين .. يا صح يا غلط .. ويا أه يا لأ
مهما قابلت مشاكل بتفضل واقفه علي حيلها .. عندها كبرياء نادر
مشاعرها صادقه و لما بتدي بتدي بجد .. حنيتها مفيش زيها
الغيره بتجري ف دمها .. واللي هتيجوزها مش هترحمه من السين والجيم .. متقولش امين شرطه اسم الله

.. .. ..

برج القوس ❤️

دماغ ومبتبطلش تفكير ..
بتحب التغيير والمغامره .. وكل ما تزهق بتغير النيولوك بتاعها
قرارتها هي اللي بتاخدها ومحدش يستجري يأمرها بحاجه
اللي ف جيبها مش ليها .. ومشاعرها مبتبخلش بيها علي حد
ساعات ثقتها ف نفسها بتزيد .. والناس ممكن يشوفوها مغروره .. بس ولا بيهمها اساسآ

.. .. ..

برج الجدي ❤ ️

بيتوتيه والبيت مملكتها الأولي ..
لو مهما كان جواها حاجات واجعاها .. بتعرف تخبيها علشان متشيلش حد همومها
صبوره وبتشيل مسؤوليه غيرها .. هي الحضن اللي كل صحابها بيجروا عليه
رومانسيه بشكل كبير بس بتتكسف تبين .. ممكن تكون طايره من الفرح وعامله نفسها من بنها
بتعشق الوحده وبتحب تكون مع نفسها .. وممكن تقلب عليك ف ثواني .. خد بالك

.. .. ..

برج الدلو ❤ ️

ناعمه و ( رومانسيه ) وكلها حنيه ..
معتمده علي نفسها من زمان ومبتتسندش علي حد
مبيفرقش معاها كلام الناس .. وثقتها ف نفسها ملهاش حدود
حساسه وممكن لو حكتلها عن حاجه مزعلاك دموعها تنزل قصادك .. قلبها حلو و رقيق
ممكن ف عز ما بتضحك تعيط .. وساعات ف اكتر موقف مضايقها تلاقيها ولا فارق معاها .. اصلآ محدش يتوقعها

.. .. ..

برج الحوت ❤️

قلبها قلب شاعر .. وحضنها حضن أم ..
بتاخد بالها من كل الناس اللي بتحبهم .. بس محتفظه لنفسها بجزء جواها ليها وبس
فنانه وبتحب المزيكا .. احساسها عالي
خجوله وطيبه و ف حالها .. اول ما تشوفها لازم تحبها
مع انها دايمآ طموحه لكن ساعات بتحب الكسل .. عايزه اللي يشجعها ويسندها .. ياما هتفضل مأنتخه .


نشر المقال على جوجل +

About nora moaasron

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 التعليقات :

إرسال تعليق